الخميس، 18 فبراير 2016

أرحل:بقلم / وائل محمد الحمامى

اضرب البحر بعصاك
حاول من جيشك تهرب
خد زهر الحظ وياك
والبخت ال متكهرب
شوف بلد غير دى هناك
عيش فيها متغرب
الغربه ونفسك معاك
عيشه وفيها هتجرب
انك انسان
ليك ضحكة المرجيحه
تبوس خد كل الورد
هتبوس الألوان
هتعرف طعم الريحه
هتعرف طعمها بجد
هتجرى عريان
هتنسى حروف مدبوحه
مكتوبه بالعربى بتنشد
بالنسيان
:::::::::::::::::::::::::::::::
أرحل:بقلم / وائل محمد الحمامى



الشاعر وائل محمد الحمامى

ليست هناك تعليقات:

إرسال تعليق