الجمعة، 12 فبراير 2016

أنا ---- أنا صلاح الصغير.


أنا --أنا
.......
أنا خلقنى ربنا
وبسط لينا أرضنا
وهيىء كل شىء لنا
أنا ---- أنا
يا اللى إنت عاوز تعرف مين انا
أنا اللى مكتوب له الفنا
لو بعد 100مليون سنه
أنا --- أنا
أنا اللى محسوب عمره كان ومضى
وأنا المغلوب على أمره بسم الرضا
أنا اللى فى يوم اللى مكتوب له إنقضى
أنا ---- أنا
......
أنا اللى مخلوق من تراب
وأنا اللى ليا عقاب أو ثواب
وأنا اللى مستنى فى الآخره الحساب
أنا ---- أنا
.......
أنا اللى لا أملك أى حاجه
عايش حياتى غفلة وسذاجه
وأنا اللى فيا العنطظه والفجاجه
أنا ---- أنا
......
وأنا اللى هسكن القبور
وأنا اللى مستنى الكاس يدور
وأنا وأنا اللى ليا منتهى ودور
أنا ---- أنا
......
فقولى لك أنا
مايغرك قولى أنا
لإنى أنا عارف حجمى أنا
وأنا أنا فى حد ذاتى معطله
أغلب كلامى هرتله
وأنا أنا كلمه مشكله متشكله
أنا ---- أنا
صلاح الصغير.



ليست هناك تعليقات:

إرسال تعليق