عيد الحب / بقلم : وائل محمد الحمامى

أيوه فى للحب عيد
بس بهدومه القديمه
مابيشتريش جديد
ف صلاتى أبعتلك سلام
سلام حبيبى من بعيد
لسه فاكر ضحكتى
لسه فاكر
بس مش عارف أعيد
ايوه فى للأم عيد
بس فى قلوب يتيمه
بتنفطم
فى كل عام
كل عام وانت سعيد
على ضحكتى المنسيه
مرجيحة الأيام
أوعاك تخاف
لساه دفاك على ايدى
لسه حبيبى الأيد فى أيد
بس افتكرنى
للحب عيد
::::::::::::::::::::::::::::
عيد الحب / بقلم : وائل محمد الحمامى

الشاعر وائل محمد الحمامى