بقلمى / م .. حسن عاطف شتا
يا اللى فاكر قلبى زى الساندوتش عايزه كل يوم بطعم
قلبى مش مطعم يا بيه
فى الفطار عايزه مربى والغدا لحمه وكبده والعشا فراخ بانيه
يا اللى عايز قلب كومبو ... عايزه محشى بأي حاجه ...
قلبى مليان بالأصاله قلبى صبحه زى ليله قلبى ثابت فى قراره
قلب يعرف الوفا ..... قلبى منبع الدفا
لو يبات من غير عشا ..... قلبى عايش بالحنان
قلبى ماليان بالمعانى
قلبى سابح فى أمانى .... و إن صعب حلمه عليه
قلبى جرحه للغريب ... قلبى عايش للقريب
جرحه مش زى الجراح ... وعمره ما ينسى الجميل
ياللى حبك من دليفرى .... أنت أمرك مش عاجبنى
حتى لو منى استحيت ... أو فى غفله بتداريه
تفتكر مين فى الزمان ده لسه فاكر كلمه حلوه بين امه وابيه
كله عايش فى الضياع كله قلبه منه ضاع يبتسم ويعمل ناسيه
قلبى عايش بالمشاعر قلبى بحر م الأمان قلبى شط لكل صادق
أيوه قلبى هو قلبى ...قلبى ثابت جوا صدرى مهما تنسى او بتقسى
قلبى صنف من الحقيقه .. قلبى نبض ... قلبى خفق
قلبى ... مش صلب أبدا ... قلبى من دم ولحم
مش غريبه .... عيش زمانك ... عيش فى حب التيك اواى
وابنى قصر... وعش فى وهم وكل ثانيه ألف صنف
بس حاول تفتكرنى ... انى يوم قلتها لك ... وخفت عليك
يا اللى فاكر قلبى زى الساندويتش ...عايزه كل يوم بطعم
قلبى مش مطعم يا بيه
ليست هناك تعليقات:
إرسال تعليق