{{{ تذكرت ادم }}} الشاعر السوري المهجري ... اليان سمعان

()()()=== {{{ تذكرت ادم }}} ===()()()
""""""""""""""""""""""""""""""""""""""""""""""
هونيك صبحية بموسم التفاح
()()()=== تذكرت ادم شو عمل ب حالو

كان بالجنة قاعد ومرتاح
()()()=== تايطيع حوا شو اجا ببالو
ياترى سحبت عليه سلاح
()()()=== والا ركبنا الخطا بشر اعمالو
طلت عليي الفجر منها لاح
()()()=== فتقت نبوع الشعر نهارها سالو
متل البدر مرت ومغطية بوشاح
()()()=== وعطر النفسج فاح من شالو
فتحت كتاب السحر لاحضر الارواح
()()()=== برج الحلا محتار وانشغل بالو
خوفني كتابي شو انتلى اشباح
()()()=== حملو القمر لبعيد بعد ماقالو
من خطايا الحب ماحدا مرتاح
()()()=== كفر ذنوبك وادم اتركو بحالو
شو كتمت اسراري والشعر فضاح
()()()=== ال ماعرف حوا الحب نيالو
متلك انا ادم فكري لعندك راح
()()()=== شعري بتفاح الخطا تعبت سلالو
""""""""""""""""""""""""""""""""""""""""""""""
الشاعر السوري المهجري ... اليان سمعان