على الهامش
تعرف ترسم قلب بايش
تلونه بحنيه
تعرف ترسم النيه
تشوفو عايش
مابين ضلوعك حبيبى حايش
شخبطه مداريه
حاره ومشربيه
جدع وطايش
الحزن هايش
يافرح الصبيه
هى السنين عفيه
والدبله والغوايش
لسها مصريه
على الهامش
::::::::::::::::::::::::::::::::::::::::::::::::::::::::::::::::::::::::::::::::::::::::
خانه وخانه وخانه
على سطرك مكتوبه الخيانه
بالحرف
سجن :::والسبعه سجانه
سبوع::: وشمعه عرقانه
بالطرف
عين بالدمع مليانه
على وعدك حزانه
بالجرف
ملناش نصيب فى الخزانه
مفيش عنوان
للظرف
يا بلد فى اول خانه
ثوره وشقيانه
على الرف
:::::::::::::::::::::::::::::::::::::::::::::::::::::::::::::::::::::::::::::::::
على الهامش : بقلم / وائل محمد الحمامى
ليست هناك تعليقات:
إرسال تعليق