الجمعة، 8 يناير 2016

هو أنا لسه ساكن خياله..اسامة مبارز

هو أنا لسه ساكن خياله
ولا خلاص خلص الكلام
قابل غيرى وعاش حياته
ولا لسه بجيله فى المنام
بفكر لو قابلته صدفة
بس ليه روحى خايفة
اقابله تانى وأعيش بذكرى
تموت بعدها تانى الأحلام
كل يوم بشوفه قدامى
لما بصحى ولما أنام
سابنى بعد ما خلانى
بخاف أسمع كلمه سلام
أصلاً هو جوة قلبى
وحياته أنا لسه عايش فيها
ولا سابنى وراح لغيرى
وحياتى معاه خلاص نسيها
ساعات بقول عليه حبيبى
وساعات بشوفه مش تمام
عيشنا أيام وبعدها سابنى
طب ليه ضميرى أنا تعِبنى
أصلاً هو اللى ساب وباعنى
ومسابش ليا غير أوهام
ياقلبى بجد خلاص كفايه
ماتت خلاص أجمل حكاية
مش ناوى تكتب كلمة نهاية
ولا لسه مخلصتش كلام

ليست هناك تعليقات:

إرسال تعليق