محمد وجيه
======= ................. ضَحايا الظُّلم............شعر عامي
زَيِّ كلِّ يوم أبوسك و انتِ نايمه أغلى بوسه
و مع أذان الفجر بدعي ربنا تكبرى وتبقي أحلى عروسه
أنا صاحيه يا بابا مش نايمه ولابسه الهدوم
علشان نروح الجامع نصلي الفجر زَيّ كل يوم
بعد صلاة الفجر.......
يا بابا مش عايزاك تنزل ده كل شويه ناس بتموت
ماما كانت فاتحه التلفزيون و شفت كل شويه تابوت
لازم أنزل علشان شغلى والأيام دي مسيرها تفوت
بس أنا خايفه عليك يا بابا .... خايفه لتموت
بحبك يا بابا ومن غيرك مش هيكون ليَّ أي صوت
و كمان إِنت مواعدنى نشترى للعيد فستان و بوت
من عِينَيَّ يا حبيبة بابا.. يا أجمل بنوته فى كل البيوت
يا حبيبى يا بابا.... يا رب تعيش لحد أمَّا أنا أموت
خلاص إنزل الشغل و أنا هستناك مش هنام
بس أما ترجع ننزل نشترى الهدوم أوام
حاضر أنا هنزل و ارجع بسرعه... يلَّا سلام
شايفه بنتك أدِّ إيه.. وسامعه منها الكلام
بتحبك.. و اللى بنسمعه و بنشوفه و الله حرام
حاجات تخلى الحجر ينطق و ده كفر مش إسلام
خَلّوا بالكم من نفسيكم و بلاش أخبار و شوفوا أفلام
خلي بالك إنت من نفسك.. و ارجع لنا بألف سلام
.... وبعد شويه .......
بلاش أخبار زي ما قال بابا...
حاضر يا ماما ده بابا حِتَّه مِني
و لو ما سمعتش كلامه مش هيبوسنى الصبح و هيخاصمنى
..... وبعد شوية كمان ..........
يا ماما تعالى جرس الباب بيرن باستمرار
ثواني و جايه متخافيش .... استر يا ستار
.... و اتفتح الباب.....
جوزها داخل و الناس حواليه ساندينه
و الذهول أسر مراته ودمه على جبينه
جريت بنته عليه تبكى و الدموع ملت عينيه
خليك معايا يا بابا ..... أنا من غيرك حزينه
مين الصبح هصلي معاه فى جامع المدينه
كفايه يا زينه...... لو بتحبينى ماتبكيش
إزاى يا بابا.... أنا من غيرك مش هعيش
ماما هتجبلك كل حاجه حلوه متخافيش
مش عايزه حاجه... خليك معايا متزعلنيش
غصب عني يا حبيبتى لو بإيدى ماسبكيش
خلي بالك من نفسك و صلي الفجر ماتنسيش
يا بابا هعيَّط كل يوم.. لو عايزنى أسكت متسبنيش
بابا بيحبك يا زينه ... افتكرينى وما تنسيش
..... و بعد قليل من الصمت............
عمّو.... عمّو..... بابا ساكت ليه ؟
هو زعلان منى.... أنا عملتِ إيه ؟
يا بابا إصحا مش هعمل أيّ حاجه تزعلك تانى
مش هسمع الأخبار.. بس إنتَ إصحا عشانى
مش إنْتَ الصبح قولتلى هنشترى الهدوم
خلاص مش عايزه... بس إنت تصحينى كل يوم
.... الدموع ملأتِ العيون...........
بابا مات...... طب ليه منه حرمتونى
أنا عملت إيه علشان تظلمونى
إنتو متعرفوش إنِّ بابا نور عيونى
ظلمتونى من غير سبب و بقيت ضحيه
أخدتوا مني بابا......أعز و أغلى ما ليَّ
======= ................. ضَحايا الظُّلم............شعر عامي
زَيِّ كلِّ يوم أبوسك و انتِ نايمه أغلى بوسه
و مع أذان الفجر بدعي ربنا تكبرى وتبقي أحلى عروسه
أنا صاحيه يا بابا مش نايمه ولابسه الهدوم
علشان نروح الجامع نصلي الفجر زَيّ كل يوم
بعد صلاة الفجر.......
يا بابا مش عايزاك تنزل ده كل شويه ناس بتموت
ماما كانت فاتحه التلفزيون و شفت كل شويه تابوت
لازم أنزل علشان شغلى والأيام دي مسيرها تفوت
بس أنا خايفه عليك يا بابا .... خايفه لتموت
بحبك يا بابا ومن غيرك مش هيكون ليَّ أي صوت
و كمان إِنت مواعدنى نشترى للعيد فستان و بوت
من عِينَيَّ يا حبيبة بابا.. يا أجمل بنوته فى كل البيوت
يا حبيبى يا بابا.... يا رب تعيش لحد أمَّا أنا أموت
خلاص إنزل الشغل و أنا هستناك مش هنام
بس أما ترجع ننزل نشترى الهدوم أوام
حاضر أنا هنزل و ارجع بسرعه... يلَّا سلام
شايفه بنتك أدِّ إيه.. وسامعه منها الكلام
بتحبك.. و اللى بنسمعه و بنشوفه و الله حرام
حاجات تخلى الحجر ينطق و ده كفر مش إسلام
خَلّوا بالكم من نفسيكم و بلاش أخبار و شوفوا أفلام
خلي بالك إنت من نفسك.. و ارجع لنا بألف سلام
.... وبعد شويه .......
بلاش أخبار زي ما قال بابا...
حاضر يا ماما ده بابا حِتَّه مِني
و لو ما سمعتش كلامه مش هيبوسنى الصبح و هيخاصمنى
..... وبعد شوية كمان ..........
يا ماما تعالى جرس الباب بيرن باستمرار
ثواني و جايه متخافيش .... استر يا ستار
.... و اتفتح الباب.....
جوزها داخل و الناس حواليه ساندينه
و الذهول أسر مراته ودمه على جبينه
جريت بنته عليه تبكى و الدموع ملت عينيه
خليك معايا يا بابا ..... أنا من غيرك حزينه
مين الصبح هصلي معاه فى جامع المدينه
كفايه يا زينه...... لو بتحبينى ماتبكيش
إزاى يا بابا.... أنا من غيرك مش هعيش
ماما هتجبلك كل حاجه حلوه متخافيش
مش عايزه حاجه... خليك معايا متزعلنيش
غصب عني يا حبيبتى لو بإيدى ماسبكيش
خلي بالك من نفسك و صلي الفجر ماتنسيش
يا بابا هعيَّط كل يوم.. لو عايزنى أسكت متسبنيش
بابا بيحبك يا زينه ... افتكرينى وما تنسيش
..... و بعد قليل من الصمت............
عمّو.... عمّو..... بابا ساكت ليه ؟
هو زعلان منى.... أنا عملتِ إيه ؟
يا بابا إصحا مش هعمل أيّ حاجه تزعلك تانى
مش هسمع الأخبار.. بس إنتَ إصحا عشانى
مش إنْتَ الصبح قولتلى هنشترى الهدوم
خلاص مش عايزه... بس إنت تصحينى كل يوم
.... الدموع ملأتِ العيون...........
بابا مات...... طب ليه منه حرمتونى
أنا عملت إيه علشان تظلمونى
إنتو متعرفوش إنِّ بابا نور عيونى
ظلمتونى من غير سبب و بقيت ضحيه
أخدتوا مني بابا......أعز و أغلى ما ليَّ
ليست هناك تعليقات:
إرسال تعليق