بقالي كتير مانيش بافهم فِ حال العشق والعشاق
ابات اسأل
عن اللهفه
وعن النسمه اللي فارده جناحها بتشاغل قلوب سافرِت
سنين عافرت
عشان ترسى ف بحور أشواق
أمل ورجاء وبيرفرف على عيونها اللي حاضنه النور
سلاسل فجر بتنوّر
ربيع أخضر
بيتوضا العبير منه
بايدين بتدعي للأمل
ترسم عيون المستحيل
نهار وليل وبتحاكِم
ملامح صُبح بتغنّي
قريب منّي
وبعيد عنّي
وليالي كتيره بتصاحب
كلام الحزن في الننّي
ياليل عاشق
وبتسافر
وبتغامر
مع المشاوير
بقالي كتير
مانيش بافهم في حال العشق والعشاق
بقالي كتير
( لسنا هامشا في آخر السطر ) (وسيبقى عشق الحرف دعاءنا ) يضيء ليل فصول الحياة *رئيس تحرير المجلة آمال محمود*
ليست هناك تعليقات:
إرسال تعليق