#‏ضعت_منك‬ ~ ~ ~ ~ ~#‏عماد_صلاح‬

‫#‏ضعت_منك‬
~ ~ ~ ~ ~
لو لاقيت نفسك في يوم
مش لاقيك وسط الحاجات...
ضعت منك!!
غصب عنك!!
روح وفتش ف اللي فات...
روح وقلب ف اللي كان
وافتكر أصحاب زمان...
فرحهم وجدهم...
ضحكهم ولعبهم...
وافتكر فرحه عيونك
وانتا واقف وسطهم...
افتح الدرج اللي شايل
ماضي ليك من كام سنه....
والمس الالبوم وعاتبه
وأسأله!
راح فين انا؟؟
وافتحه واسرح معاه...
وأن قدرت أصرخ بصوتك
فك حبست الف اه...
وأن لمحت عيون حبيبه
كات في يوم منك قريبه
اوعي تهرب من صورتها...
وافتكر نفسك ساعتها...
وقتها عيونك هتدمع...
والجراح هتفوق وتوجع...
برضه كمل اوعا ترجع...
لجل ما توصل مراضك
انزل الشارع ودور
عن دليل يثبت وجودك...
اسأل الأسفلت عنك!!
اسأله!!
يمكن يفيدك...
وانتبه لعتاب كراسي
شيله ريحتك فوق كتافها...
جوا حضن القهوه ديما
كان عليك يعلا هتافها...
سبت طعم الحلو مرر
غبت فجأه بدون مبرر
عن حبيبك عن صحابك...
عن حاجات كرهت غيابك...
ليه بعدت؟؟
ليه بعدت سؤال هيفتح
الف باب لبحور عذابك...
بس لما تلاقي نفسك مش لاقيك...
اوعي ترمي اللوم ساعتها غير عليك...
واعرف انك...
ضعت منك....
لما سبت كل دول
كل دول منك يضيعو...
ما اللي داق طعم الخريف
يشتهي ايام ربيعو...
~ ~ ~ ~ ~ ~ ~ ~
‫#‏عماد_صلاح‬