وجع بقلم عبد التواب عطية

وجــــــــــــــــــــــع
****************************
الحروف تعبت وشاخت
والسنين طالت وباخت
وأدي حالنا تملي مايل
دمعنا ع الخد سايل
واللسان خرسان وساكت
من جروحنا الدم جاري
والألم ف وريدنا ساري
الوجع ف حشانا نابت
الليالي سارقة منا
فرحة كانت بتساكنا
حتى روحنا فينا ماتت
ليه يا دنيا تتوهينا
تغربينا بألف مينا
زي ريشة ف بحر تاهت
الوجع يملانا خوف
شمسنا عاشقة الكسوف
ضلمة كاسية كتير وطالت
أي لحظة فرح فينا
بتلاقيها بتعادينا
روحنا ليه جوانا خابت
الألم ساكن ملامح
والأنين هدم مطارح
الحروف للفرح سابت
دمع ساري ليل نهار
طعمها نكهة مرار
آه يا قلب جراحه زادت
الوجع لقلوبنا كاسر
والزمن ما صبحش جابر
ليه حياتنا علينا هانت

********************************
بقلــــــــــمي
عبــــد التــــــواب عطيــــــــــه
2015-10-16