وجوه غريبه بقلمى / م حسن عاطف شتا

وجوه غريبه
بقلمى / م حسن عاطف شتا
حلمى الوحيد اللى عشت عمرى بيه وليك
دلوقتى ليه مش حاسه بيه وانا بين ايديك
وبأقول لنفسى يمكن خيال وسرحت فيه
وأرجع واسأل ...
ازاى ده يحصل
وانا كنت لما أنسى روحى الاقيها فيك
تقدر تقولى ... ايه اللى غير منك مشاعرى
أيه اللى حير منى قلبى ...
وانا فى حضنك بيسألنى عليك
حلمى الوحيد اللى عشت عمرى بيه وليك
دلوقتى ليه مش داريه بيه وانا بين ايديك
عينى منى تاهت وهى اللى اخدت عليك
تسأل تقولى فين الربيع اللى كان مالى عينيك
واللهفة منك غابت كأنك مش عارفنى
ده انا فى غيابك وفى وجودك باشتاق اليك
جايز تكون الدنيا قسيت عليك
وانا شريكتك لازم تقولى ترتاحى فى ظلى
وأطمن عليك
حلمى الوحيد اللى عشت عمرى بيه وليك
دلوقتى ليه مش داريه بيه وانا بين ايديك
والشك يملا فكرى حيره والظن زى النار تخدنى
والغيره زادت والفرحه راحت والبسمه ذابت
عقلى يفكر ... يسرح خيالى ؟
مين اللى غير حاله فى غيابه
يمكنى خدعنى .... زى ما قلبى
فى غيابك .....من مده قال لى
يوم ما زار قلبك يطمن عليه
وشاف ملامح ..... ووجوه غريبه
وتاهت ملامحى
من جوه قلبك .... خلاص بيقسى
يا ريت يا عمرى ترجع لقلبك
وتعتب عليه
انا فى انتظارك وخد قرارك
للحلم يخلص واضيع انا من بين ايديك
حلمى الوحيد اللى عشت عمرى بيه وليك
دلوقتى ليه مش داريه بيه وانا بين ايديك